tag:blogger.com,1999:blog-42414804024106686752011-04-21T20:31:47.450-07:00Egyption Citizenhttp://www.blogger.com/profile/03312699996836363975noreply@blogger.comBlogger11100tag:blogger.com,1999:blog-4241480402410668675.post-17880640163174647052007-03-25T14:38:00.000-07:002007-03-25T14:40:27.793-07:00<div align="right"><span style="font-size:130%;color:#993399;">سئلت عم الشيخ ايه رأيك فى التعديلات الدستوريه ؟؟<br /> بص لى بعنيه الواسعه و قالى....احنا هنا مكان لتحفيظ القرآن و بس و ملناش دعوه بالسياسه و اللى فيها احنا نركز فى حفظ كتاب الله ثم نتجه اليه بالدعاء بأن ينتقم من المفسدين و المرتشين و اعوانهم و يعمل فيهم كما فعل فى الذين من قبلنا و الذين معنا و انتى فاهمه و انا فاهم ربنا لو كان رايد لينا حال احسن من ده كان خلصنا منهم وخلينا نستنا ربنا هاينتقم منهم فيهم و يسلط عليهم انفسهم و سمعى الربع اللى عليكى و ما تتكليميش فى السياسه و ما تتفرجيش على التلافازيون و نشرات الاخبار بلا دستوريه بلا.....<br />سئلت جاره ليه ايه رأيك فى التعديلات الدستوريه ؟؟<br />قالت لى البت الكبيره عريسها محتاج خمستاشر الف جنيه عشان يكمل على اللى معاه و يشتروا شقه عالمحاره فى منتيئه نائيه ما تعرفيش حد يسلفنا و لما يدخلوا يبقى يسددله مية جنيه كل شهر و يعيشوا على ادهم بعد الميه و المواصلات و الكهربا و الاكل و الشرب و ربنا معاهم و الواد الصغير محتاج فلوس الدروس الخصوصيه و يشترى جزمه جديده بدل اللى دابت و يشحن كارت الموبايل و اخر العنقود امبارح كانت تعبانه و دتها للدكتور و دفعت مستعجل و دخلت الساعه واحده بعد ما كشقت بخمسين جنيه و جبت دوا بميه و خمسين جنيه بلا دستوريه بلا........<br />سئلت عم احمد صاحب البقاله ايه رأيك فى التعديلات الدستوريه ؟؟<br />قالى الرز والسكر و الزيت و الدقيق و العدس وحتى الكاباتشينو غلوه و الناس بتيجى تناكف وبتبستف فيا بلا دستوريه بلا........<br />سئلت رفيقة الجهاد فى فرنة العيش ايه رأيك فى التعديلات الدستوريه ؟؟<br />قالت العيش النهارده فى حاجات سوده وحاجات بتمشى و حاجات بترقص و حاجات بتتكلم و العيال اصلا ما بيردوش ياكلوه و لسه فيه اتنين رجاله شايلين شوالين دقيق من الفرنه و ماشيين مش عارفه رايحين فين بلا دستوريه بلا........<br />سئلت نفسى ايه رأيك فى التعديلات الدستوريه ؟؟<br />ردت عليا و قالت بعد ما ادفع ايجار الشقه و الجمعيات اللى عليا و مصروفات العيال ولما تكفى العشره جنيه مصروف البيت اليومى لما اشترى رز و بصل و بطاطس و لبن و زيت و توم و نص كيلو لحمه او فرخه ساعتها ابقى اقولك ايه رأى فى التعديلات الدستوريه و لا اقولك هما كده كده هايعملوا اللى عايزينوا بلا دستوريه بلا........<br />ايه رأيك فى التعديلات الدستوريه ؟؟</span></div><div class="blogger-post-footer"><img width='1' height='1' src='https://blogger.googleusercontent.com/tracker/4241480402410668675-1788064016317464705?l=lamiagoda.blogspot.com' alt='' /></div>Egyption Citizenhttp://www.blogger.com/profile/03312699996836363975noreply@blogger.com2