سئلت عم الشيخ ايه رأيك فى التعديلات الدستوريه ؟؟
بص لى بعنيه الواسعه و قالى....احنا هنا مكان لتحفيظ القرآن و بس و ملناش دعوه بالسياسه و اللى فيها احنا نركز فى حفظ كتاب الله ثم نتجه اليه بالدعاء بأن ينتقم من المفسدين و المرتشين و اعوانهم و يعمل فيهم كما فعل فى الذين من قبلنا و الذين معنا و انتى فاهمه و انا فاهم ربنا لو كان رايد لينا حال احسن من ده كان خلصنا منهم وخلينا نستنا ربنا هاينتقم منهم فيهم و يسلط عليهم انفسهم و سمعى الربع اللى عليكى و ما تتكليميش فى السياسه و ما تتفرجيش على التلافازيون و نشرات الاخبار بلا دستوريه بلا.....
سئلت جاره ليه ايه رأيك فى التعديلات الدستوريه ؟؟
قالت لى البت الكبيره عريسها محتاج خمستاشر الف جنيه عشان يكمل على اللى معاه و يشتروا شقه عالمحاره فى منتيئه نائيه ما تعرفيش حد يسلفنا و لما يدخلوا يبقى يسددله مية جنيه كل شهر و يعيشوا على ادهم بعد الميه و المواصلات و الكهربا و الاكل و الشرب و ربنا معاهم و الواد الصغير محتاج فلوس الدروس الخصوصيه و يشترى جزمه جديده بدل اللى دابت و يشحن كارت الموبايل و اخر العنقود امبارح كانت تعبانه و دتها للدكتور و دفعت مستعجل و دخلت الساعه واحده بعد ما كشقت بخمسين جنيه و جبت دوا بميه و خمسين جنيه بلا دستوريه بلا........
سئلت عم احمد صاحب البقاله ايه رأيك فى التعديلات الدستوريه ؟؟
قالى الرز والسكر و الزيت و الدقيق و العدس وحتى الكاباتشينو غلوه و الناس بتيجى تناكف وبتبستف فيا بلا دستوريه بلا........
سئلت رفيقة الجهاد فى فرنة العيش ايه رأيك فى التعديلات الدستوريه ؟؟
قالت العيش النهارده فى حاجات سوده وحاجات بتمشى و حاجات بترقص و حاجات بتتكلم و العيال اصلا ما بيردوش ياكلوه و لسه فيه اتنين رجاله شايلين شوالين دقيق من الفرنه و ماشيين مش عارفه رايحين فين بلا دستوريه بلا........
سئلت نفسى ايه رأيك فى التعديلات الدستوريه ؟؟
ردت عليا و قالت بعد ما ادفع ايجار الشقه و الجمعيات اللى عليا و مصروفات العيال ولما تكفى العشره جنيه مصروف البيت اليومى لما اشترى رز و بصل و بطاطس و لبن و زيت و توم و نص كيلو لحمه او فرخه ساعتها ابقى اقولك ايه رأى فى التعديلات الدستوريه و لا اقولك هما كده كده هايعملوا اللى عايزينوا بلا دستوريه بلا........
ايه رأيك فى التعديلات الدستوريه ؟؟
بص لى بعنيه الواسعه و قالى....احنا هنا مكان لتحفيظ القرآن و بس و ملناش دعوه بالسياسه و اللى فيها احنا نركز فى حفظ كتاب الله ثم نتجه اليه بالدعاء بأن ينتقم من المفسدين و المرتشين و اعوانهم و يعمل فيهم كما فعل فى الذين من قبلنا و الذين معنا و انتى فاهمه و انا فاهم ربنا لو كان رايد لينا حال احسن من ده كان خلصنا منهم وخلينا نستنا ربنا هاينتقم منهم فيهم و يسلط عليهم انفسهم و سمعى الربع اللى عليكى و ما تتكليميش فى السياسه و ما تتفرجيش على التلافازيون و نشرات الاخبار بلا دستوريه بلا.....
سئلت جاره ليه ايه رأيك فى التعديلات الدستوريه ؟؟
قالت لى البت الكبيره عريسها محتاج خمستاشر الف جنيه عشان يكمل على اللى معاه و يشتروا شقه عالمحاره فى منتيئه نائيه ما تعرفيش حد يسلفنا و لما يدخلوا يبقى يسددله مية جنيه كل شهر و يعيشوا على ادهم بعد الميه و المواصلات و الكهربا و الاكل و الشرب و ربنا معاهم و الواد الصغير محتاج فلوس الدروس الخصوصيه و يشترى جزمه جديده بدل اللى دابت و يشحن كارت الموبايل و اخر العنقود امبارح كانت تعبانه و دتها للدكتور و دفعت مستعجل و دخلت الساعه واحده بعد ما كشقت بخمسين جنيه و جبت دوا بميه و خمسين جنيه بلا دستوريه بلا........
سئلت عم احمد صاحب البقاله ايه رأيك فى التعديلات الدستوريه ؟؟
قالى الرز والسكر و الزيت و الدقيق و العدس وحتى الكاباتشينو غلوه و الناس بتيجى تناكف وبتبستف فيا بلا دستوريه بلا........
سئلت رفيقة الجهاد فى فرنة العيش ايه رأيك فى التعديلات الدستوريه ؟؟
قالت العيش النهارده فى حاجات سوده وحاجات بتمشى و حاجات بترقص و حاجات بتتكلم و العيال اصلا ما بيردوش ياكلوه و لسه فيه اتنين رجاله شايلين شوالين دقيق من الفرنه و ماشيين مش عارفه رايحين فين بلا دستوريه بلا........
سئلت نفسى ايه رأيك فى التعديلات الدستوريه ؟؟
ردت عليا و قالت بعد ما ادفع ايجار الشقه و الجمعيات اللى عليا و مصروفات العيال ولما تكفى العشره جنيه مصروف البيت اليومى لما اشترى رز و بصل و بطاطس و لبن و زيت و توم و نص كيلو لحمه او فرخه ساعتها ابقى اقولك ايه رأى فى التعديلات الدستوريه و لا اقولك هما كده كده هايعملوا اللى عايزينوا بلا دستوريه بلا........
ايه رأيك فى التعديلات الدستوريه ؟؟
